Li Akrê li heyva heft / 75 / demjimêra kehreba giştî hebû

07-08-08 Akrê – Roza : serperiştê lijna muwelîda li qeza Akrê / Ferhad Ebdulxaliq / bo radyoya Duhok got : li heva heft ya bûrî bi tenê li / 75 / demjimêra kehreba giştî li Akrê hebû ku her rojê bi tenê dû demjimê û nîva kehreba giştî hebû . û diyarkir ku bihayê empêrîli ser esasê kehreba giştî dihête diyar kirin ku çend kehreba giştî ya baş bît bihayê empêrî dê kêmtir bît .

Li Duhokê hefteya şîredana suruştî hate saxkirin

07-08-08 Duhok – Kawa Alîxan : pişka xweparastinê li serokatîya saxlemya Duhokê heftrya şîredana suruştî saxkirve û li dor vî babetî berpirsa bernamê geşpêdana zarok û xorakîyê D: Viyan Sebrî bo radyoya Duhok got : armanc ji vê helkeftê pişgîrî kirna civakê nîv dewletîye bo şîredana suruştî û diyarkir ku li seranserî cîhanê nêzîkî / 120 / welat vê hefteyê saxdiken .

Li Sersingê dest bi çêkirna cihên geşt û gozarî hatîye kirin

07-08-08 Sersing –Îmad Yûnis : rêveberê nahya Sersingê berêz Eyser Circîs bo radyoya Duhok ragehand ku demeke mijîlî valekirna avahîyên geşt û gozarîyê li Sersingê û piştî xanî hatîne valakirin  nûke dayîne hendek webherhênera û dest bi karê xwe kirye  û ew xêzanên di wan avahîya ve her êkî parçeka erdî dayê û harîkarî bo hatîye kirin da ku xanîyê xwe avabikin ku / 510 / xêzanbûn .    

Ebdela Salih : layenê beramber çi di destada nemaye pêşinyar bikin

06-08-08 Radyoya Duhok: endamê civata nînerên Îraqê ji lîsta hevpeymana Kurdistanê berêz Ebdela Salih bo radyoya Duhok ragehand ku şaverêyî bersiva layanên dî dikin li dor pêşinyara netewên êkgirtî li dor helbijartinên civatên parêzgeha û got eve çend roje kombûn di berdewamin û yên dî her rojê tiştekî dibêjin û hêvî xwest ku evro bişên bighene encamekî û yasaya civatên parêzgeha ji perlemanî derbaz bibît .

Wezareta werziş û lawan / 10 / paysikl didete lawên Kanî Masê

06-08-08 Kanî Masê – Ehmed Edinî : wezareta werziş û lawan ya ser bi hikûmeta herêma Kurdistanê ve / 10 / paysikl dabîn kirinbo lawên Kanî Masê û ev paysikle li bigehê kompyûter û enternêtê li Kanî Masê dê mifa jê hête wergirtin bo vekirna xolên fêrkirna paysikla ku lawên  Kanî Masê ji herdû regeza dê mifay ji van paysikla bibînin

Li devera Şêxan di rûdaneka hatin û çûnêda kesekî giyana xwe ji dest da

06-08-08 Şêxan –Emîn Xelat : li ser rêka giştî ya Duhok – Hewlêr û li doryana Baedrê – Şêxan dû tirumbêla lêkda û di encamda kesekî giyanê xwer ji destda jêderên polîsa li wê deverê ragehand ku egerê vê rûdanê ne pêgirîya şûfêra bû bi rênimayên hatin û çûnê .

Pirojên avê ev sale li amêdyê

06-08-08 Dilşad bercî : Rêveberê fermangeha avê li Amêdîyê / Mihdî Salih bo radyoya Dohok ragehand ku ew avahiyên mîrî ewên deveyî kela Amêdîyê hatîne avakirin li devereka wesa hatîne çêkirin ku çi torên avê li wê deverê nînin û navbirî got di bernameyêdaye di ev saleda pirojê avê bo wan rêveberya bête çêkirin ku hindek ji wan eve dû sale ku bê avin.

Pişka şanoyê li kulîja adabê li zankoya Duhokê hate vekirin

05-08-08 Duhok - Kawa Alîxan : zankoya Duhokê biryar da ku pişka şanoyê li kulîja adabê bête vekirin li dor vê çendê D- Ibrahîm Ehmed Simo serokê pişka şanoyê bo radyoya Duhok ragehand ku bo ev sale dê pişka şanoyê / 30 / qûtabîya / wergirêt ji pişkên zanistî û wêjeyî û peymangeha hunerên ciwan û diyarkir ku her qûtabîyekê divêt pêşkêş biket divêt formekî ji pişkê werbigrît bo pêşkêşkirnê .

Li devera Berdereş pirojên xizmet gozarî berdewam dihêne çêkirin

05-08-08 Berdereş – Senger : gundê pîr dawid ku dikevîte rojhilatê qeza  Berdereş û ji rûyê kargêrîve ser bi bajarkê Rovya ye û piştî daxwazji cihên peywendîdar kirî bo durustkirna rêkekî ji ser cada giştî bo nav gundî ku nêzîkî çar kîlo mitrane layanên peywendîdar li dîf daxwazya wan çûn û nûke durust kirna wê rêkê bi kujmê / 160 / milyon dînara di jêr çêkirnê daye .

Li Duhokê komsyona serbixwe ya helbijartina rûniştineka berfireh sazkir

05-08-08 Duhok – Ferset Hacî : li jêr çavdêrîya serokê kargêrîya helbijartina dadwer / Qasim El Ebûdî / komsyona bilinda serbixwo ya helbijartina ofîsa parêzgeha Duhokê û li jêr durişma / pêxemet avakirna Îraqeka dîmoqrasî azad / evro sipêdê rûniştineka berfireh bi amadebûna Serbest Lizgîn berpirsê liqê êk yê P D K û hakim Mihemed Emîn Şerefanî serokê dadgeha istinafa Duhokê û ehzab û layanên siyasî li hola ûtêla Dilşad Peles sazkir .

Benka xwînê çend gurop yêt heyin xwînê bo xirve dikin

05-08-08 Duhok – Îmad Yûnis : rêveberê benka xwînê li parêzgeha Duhokê D- Mecîd Xemo Ehmed bo radyoya Duhok ragehand ku ew  / 24 / demjimêra di karîdane da ku her kesê pêdivî bi xwînê bît bidnê çi ruwîdanên hatin û çûnêbin yan nexweşîyên dûmdirêj weke êşa telasîmya û diyarkir ku wan hindek gurûp yêt  heyn ji dervey benka xwînê  li dam û desgeha û her kesê divêt xwînê bidet jêt kêşin û tînin benka xwînê.    

Li devera Bamirnê dû sikrên avê bi kûjmê / 363 / milyon dînara dê hênê çêkirin

04-08-08 Bamirnê – Xoşev : ji bo ber sîng girtna hişke salîyê û kêmkirna ziyanên wê rêveberya avedanê li Duhok dê rabît bi dirustkirna dû sikrên avê li gundên / tinê – şêx mema / li devera Bamirnê ku armanc jê bo çandinêne û 85 donemên erdî dê li ber hêne avdan û kûjmê / 363 / milyon dînar bo hatîne terxan kirin.

Li Duhokê êkemîn konfransê perwerda werzişî destpêkir

04-08-08 Duhok – Hogir Tahir :evro êkemîn konfransê perwerda werzişî li dor pêşvebirna werzişa qûtabxana li jêr diruşmî / rolê werzişê ji hîç layanekê siyasî kêmtir nîne bo pênasîna miletê Kurd li Cîhanê  / li parêzgeha Duhokê destpêkir ku dê bo mawê du roja vekêşît . û merem jê pêşvebirna werzişa qûtabxanayeli ser astê rêveberya giştî bi baştirîn reng û çareser kirna hemî wan arîşe û astengên dikeve di rêka pêşvebirna werzişa qûtabxana û nûkirna rêkên nû bo gotina perwerda werzişî.

Di rûdaneka hatin û çûnêda li ser rêka /  Berdereş – Akrê / 7 kes birîndarbûn

04-08-08 Berdereş – Senger Ebdulselam : jêderekî ji bingehê polîsên hatin û çûnê li Berdereş bo radyoya Duhok ragehand ku li ser rêka giştî / Berdereş – Akrê / du tirumbêlên ji cûrê şûfirlêt opra û sûper lêkda û di encam da / 7 / kes di nav herdû tirumbêla birîndarbûn û jêderê egerê serekî yê vê rûdanê bo wê çendê zivrand ku pêgirî bi rênmayên hatin û çûnê nekirîye.

li bajêrkê Rovya bi kûjmê / 72 / milyon dînara sûlînên avê dihêne çêkirin

04-08-08 Berdere] – Senger Ebdulselam: hewlên hikûmeta herêmê bo encamdana pirojên xizmet gozarî li hemî bajêr û bajêrkên Kurdistanê diberdewamin li bajêrkê Rovîya jî ser bi qeza Berdereş li ser bûdca pere pêdana herêmê li dîf pilaneka serdemiyane nexşê diruskirna sûlînên avê li wî bajêrkî bi dirêjahîya / 688 / mitra bi kûjmê / 72 / milyon dînarên Îraqî destpêkir .

Sûpayê Turkya Agir berda ser Zêrî li devera Kanî Masê

03-08-08 Kanî Masê – Ehmed Edinî : li ser Zêrî li devera Kanî Masê Agir berbû daristanê ku xelkê deverê dibêjin egerê vî Agirî sûpayê turkya gule baran kirbû ku ji ber vî Agirî bi hezaran darên suriştî û çend rezên hawelatîya li wê deverê hatîne sotin ku eve cara duwêye çenddurmên turkya Agirî berdidne wê deverê .

Li Duhokê bi tenê li heyva şeş pitir ji çar hezar regeznamên Îraqî bo hawelatîya hatîne çêkirin

03-08-08 Duhok – Îmad Yûnis : berpirsê pişka ragehandinê li rêveberîyanejadnamê li paarêzgeha Duhokê / mîlazim Emîr SEYID Hamid bo radyoya Duhok ragehand ku li vê dûmahîyê qerebalixeka êkcar zor li rêveberîya wan çêbûye ji berku pitirya wan kesên nûke qesta rêveberîya wan diken ew kesên ne xwendevanin ewên pêşkêşî destûrya hajotina tirumbêla diken û xala duwê ew qûtabîne yên dê pêşkêşî kolîjakin û diyar kir ku bi tenê li heva şeş pitir ji çar hezar regeznamên Îraqî bo hawelatîya çêkirîne .

Gencekî 21 salî di xabîrda xendiqî

03-08-08 Mangêşkê – Bijar Berojkî: welatî /Çiyavan Mihemed Tahir di jîyê 21 salîda di xabîrda xendiqî piştî evî gence di gel xêzana xwe seredana gundê Berojkê li devera Mangêşkê kirî li wê deverê çûne ser xabîrî û demê xwe êxistîye avê bin avbû lê ew kesên di gelda heta ji avê derxistin giyanê xwe ji destdbû .

Bajêrvanîya Duhokê dest bi heweka paqij kirnê li nahya Feydîyê kirîye

03-08-08 Duhok- Şêrwan Ebdiwahid : serokê bajêrvanîya Duhokê / Şêrwan Ebdiwahid / bo radyoya Duhok ragehand ku li ser daxwaza rêveberê nahya Feydîyê û serokê bajêrvanîya Feydîyê bajêrvanîya Duhokê dest bi heweka paqij kirnê li nahya Feydîyê kirîye û got nêzîkî 80 karmenda di vê hewê di pişkdarin û heta karê paqijkirnê bi dîmahîk dihêt dê li ser vê hewê li Feydîyê diberdewamin .

Li Sêmêlê pênc xolên bi hêzkirnê bo qûtabîya hatine vekirin

03-08-08 Sêmêlê –Sebah Xelef : ji bizava û çalakîyên liqa Sêmêlê ya êkîtîya qûtabîyên Kurdistanê ji bo bihêz kirna qûtabîya û bilind kirna astê zanistî li def qûtabîya 5 xolên bi hêzkirnê bo qûtabîya li senterê qeza Sêmêlê vekirin di daxuyanîyekê da bo radyoya Duhok bepirsê liqa Sêmêlê / Hejar Yûnis / ragehand ku ev xole dê bo mawê 15 e rojan vekêşêt û çendîn mamostayên xwedan şiyan dê van xolan bi rêvebiben .

Birayên Êzîdî cejna çilê havînê li Kurdistanê digêrin

02-08-08 Şêxan- Emîn Xelat : evro birayên Êzîdî cejna çilê havînê li pirsgeha Laleş digêrin û her sal ev cejne dihête saxkirin bi helkefta parastina jiyana mirovî ji rîdanên siruştî û ji germa havînê û sermaya çilê jivistanê û ev cejne li roja 24 ê xizîranê dest pêdiket ta ku evro. Zanayekê ayînê Êzîdîyan bo radyoya Duhok ragehand ku evro cejna çilê havînê dihête saxkirin û Êzîdîyan dû cejnên taybet yêt heyîn cejna çilê havînê û jivistanê û her sal civata Laleş û derwêş û belingazên Êzîdîyan vê cejnê li pirsgeha Laleş saxdiken û cejna çilê havînê bi rêka radyoya Duhok li hemî Êzîdîyan pîroz kir.

Cemawerê bajêrê Duhokê di ya daştnamekîda daxwaz ji serkirdayetîya Kurdistanê kir pêdaçûnekî li siyaseta xo ya hevpeymanîyê biket

31-07-08 Evro cemawerê xopêşander li bajêrê Duhokê ya daştnamek araste kir / têda diyarkir ku yasaya helbijartina civatên parêzgeha berdvajî peyrewê navxoyê perlemanî bû her wesa têda hatîye ku ev yasaye pilaneka dijmin karîye bo ji nav birna madê 140 ji destûrê Îraqê û daxwazji serkirdayetîya Kurdistanê kir ku pêdaçûnekî li ser siyaseta xwe ya hevpeymanê da bikin.

Li Soran jî xopêşindanek hate sazkirin

31-07-08 Evro hevdem di gel bajêrê Duhokê li qeza Soran jî xopêşindanek bi dijî yasaya civatên parêzgeha hate sazkirin berpirsê dezgehê zarê kurmancî li Soran berêz Ferhan cewher bo radyoya Duhok da xuyakirin ku xopêşindanan diyardeka geleka şaristanî û dîmuqratîye û nîşanda wê şendê dedet ku astê gelê kurd daxwaza mafên xo bi rêkên aştî û dîmuqratî û şaristanî deket.

Parêzgerê Duhokê li gel hejmareka rêvebern nahyên ser bi parêzgehê ve kombû

31-07-08 Evro berêz Temer Remezan parêgerê Duhokê pêşwazî li hejmareka rêveberên nahyên parêzgeha Duhokê kir û di hevdîtinekê da behsê pêdivî û kêm û kasîyên deverê kirin û di layekî dî yê hevdîtinêda behsê bernamên  pirojên bûdca temamker ya geşepêdanaherêmê bo her deverekî hatekirin her wesa rijdî li ser pêşniyar kirna pirojên girêdayî jiyana rojane ya welatîyan hate kirin.

Mihemed Mihsin : madê 24 da careka dî Kerkûkê taerîb ket

 31-07-08 Berpirsê liqê 18 yê PDK li devera Amêdîyê  berêz Mihemed Mihsin bo radyoya Duhok ragehand ku di gel xopêşandana bajêrê Kerkûkê xelkê devera Amêdîyê divya xopêşindaneka mezin encam biden lê got ji me hat xastin ku di gel senterê bajêrê Duhokê hemî pêkve hevpişk bin di xopêşindanekîda û got madê 24 careka dî da Kerkûkê taerîbket.

Ebdulxaliq Babîrî : madê / 24 / careka dî mafên gelê kurd ênkar diket

31-07-08 Berpirsê liqê neh yê PDK berêz Ebdulxaliq Babîrî bo radyoya Duhok ragehand ku ev xopêşandane gelek digringin beramber yasaya civatên parêzgeha bendê / 24 / ku careka dî mafên netewa kurd ênkar diket û divya perlemanê Îraqê yasayek derêxista û daxwaza lêborînê ji netewa kurd kirba ku çend sale netewa kurd dagirkiîn û berdewam zulm li netewa kurd kirîye .

Li Silêmanyê xopêşindan bi dijî yasaya civatên parêzgeha hate kirin

30-07-08 Silêmanyê – Şemal: evro li bajêrî Silêmanyê bi hezara xelkê wî bajêrî bi sercem tex û çînên cûda cûda xopêşandanek bi dijî yasaya civatên parêzgeha sazkir ku têda bi dehan durişmên netewî bilindkirin bi dijî pesend kirna wî piroje yasayî ji wana ne bo madê / 24 / û belê bo madê / 140 / û têda ya daştek bilindkirin têda daxwaz kir ku êdî yasa nehête pê şêlkirin

Perwerda Duhokê mûçe li dîf sîstemê nû belavkirin

30-07-08 Duhok – Ferset Hacî: rêveberêperwerda qeza Duhokê  Weysî Silêman bo radyoya Duhok ragehand ku rêveberya wan evro mûçe li dîf sîstemê nû belavkirin û diyar kir ku / 8627 / fermanber ser bi rêveberîya wanin  û got geleka bi zehmetbû vê hejmara zor di mawekê kêmda serûberê wan li dîf sîstemê nû bête rêkxistin çûnke sîstemê nû yê belavkirna mûçasîstemekê mûeqede û kûjmê şeş milyar û heştsed milyon û nehsed hezar dînar mûçeyên fermanberên xo belavkirîne .

Li bajêrkê Bilê korkê hozan xwandinê hate sazkirin

30-07-08 Barzan – Enwer Hostanî : bi helkefta bûrîna 25 sala bi ser cînosayd kirina xelkê devera Barzan ji layê rijêma Baesa jinavçûyî ve li sala 1983 li komelgeha Qoştepe û Behrikê û Diyana. Tîpa hunerî ya lawên Barzan rabû bi sazkirna korekê hozan xwendinê bo hozanvan / Birhan Zîbarî li baxçê dezgayê herman li bajêrkê Bilê

Xopêşandana xelkê Şingalê ji ber parastina giyanê welatya hate paşêxistin

30-07-08 Şngal – Mirad Hestanî : berpirsê nivîsîngeha rewşenbîrî û ragehandina liqê 17 e yê PDK li devera Şingalê / Mihemed Selîm Şukrî / bo radyoya Duhokê ragehand ku xelkê devera Şingalê jî ditengavin ku xopêşandana bi dijî yasaya civatên parêzgeha bikin lê ji ber parastina giyanê hawelatîya nûêe xopêşandan hatîye gîrokirin çûnkî devereka nêzîkî çalakîyên tîroristane .

Li Dhokê ev şev li demjimêr êk heta subehî demjimêr / 12 / yî nîvro hatin û çûna tirumbêla li nav bazarî hête qedexe kirin

30-07-08 Duhok – Îmad Yûnis : eqîdê mafperwer / Ferhad Casim / boradyoya Duhokê li dor xopêşandana ku li bere subehî li bajêrê Duhokê bête sazkirin got bi serperiştîya parêzgerê Duhokê lijna bilinda emnî li Duhokê kombûnek girêdaye û têda çendîn biryar hatîne derêxistin ji wana ev şev li demjimêr êkê şev hatin û çûna tirumbêla li nav bazarê Duhokê hête qedexe kirin heta subehî roja pêncşembî demjimêr 12 nîvro û got rêkên dî yên derveyî bazarî dê divekirîbin.

Kerkûk xopêşandanek bi dijî yasaya civatên parêzgeha

28-07-08 Kerkûk – Saman: evro xelkê bajarê Kerkûk bi sercem tex û çînve derkeftin ser cada û xopêşandaneka ne razîbûnê sazkir bi dijî wî piroje yasaya li roja 22/ 7 /2008 li civata nînerên Îraqê li dor hilbijartinên civatên parêzgeha hatine pesend kirin ku di vê yasayêda madê / 24 / ku bi dijî hezên xelkê bajarê Kerkûk bû ku çendîn xal di vî madeyî dabûn bi rengekê şofînî hatibûne dariştin.